【独家】否认跟陈晓华复合 狄易达疫情下靠两盘生意揸手
2021-06-17 18:00 
狄易达除了幕前演出外，还身兼舞蹈学校「Dance Kingdom」校长，原来疫情下舞蹈学校跟其他学校，多了不同合作形式，加上他17年跟朋友成立室内设计及装修配对平台「Spaceplan」，有两盘生意揸手才捱过这段疫情日子。讲到早前被指跟陈晓华复合，达仔就否认并坚称两人只是朋友，至于搵对象拍拖就要睇缘份。撰文：杜淑霞 摄影：梁志明 场地：Dance Kingdom
达仔坦承疫情下演艺工作近乎零收入，幸好有生意，「好彩有呢两盘生意帮到手，唔系靠教班，咁就死咗，好彩有啲小学服务，呢度有啲收益，加埋室内设计嗰边，坦白讲自己都算幸运嘅，样样嘢都冇停到。」原来舞蹈学校有九龙湾、将军澳3间分校外，工作范围更不止教跳舞，达仔说：「近年学校需要多咗服务，疫情亦搞到好多学校好难搞，全日制返唔到，甚至停晒课，我哋就可以发挥到少少作用，喺疫情下帮佢哋做好多工作，点样利用啲zoom去上堂，去做埋网上教材畀佢哋，我哋由原先跳舞班服务五、六十间学校，到𠵱家服务二百间小学，全港先得五百间小学，我哋都发展得好快。」
40岁前结婚
17年成立香港首创的室内设计及装修配对平台，达仔承认受拍《安乐窝》启发，「做咗《安乐窝》到𠵱家都做咗11年，啲朋友叫我介绍啲装修公司，或者装修出咗问题问我意见，我本身又会成日同啲Designer倾偈，佢哋话有咩方法可以多啲人识，于是我就谂搵一个公平嘅平台，等大家可以搵到合适对象。」
事业得意的达仔，早前亦被指跟陈晓华复合，但他再次否认两人关系，「唔系拍拖，梗系唔系！」但他认为搵对象要睇缘份，又希望是圈外人，「唔系太想对象同自己咁近，反而我想佢系另一个范畴，我喺佢身上学到嘢，所以最好对方唔好跳舞，我都想认识其他世界、圈子嘅人。」不过达仔直言唔心急，「唔好话女朋友，我宠物都冇时间陪，女朋友要更多时间，但自己真系冇时间。（几岁结婚？）40岁前结婚。」达仔年底才33岁，仲有时间！
最新回应