【调教你MIRROR】劝Fans勿阻碍拍摄 姜涛呻「私追」粉令MIRROR变散沙

ViuTV《调教你MIRROR》昨晚播到第7集，今集没有调教任何一位成员，因为摄制队在梅窝拍摄时遇上突发情况。超过50位「私追」镜粉在现场阻碍拍摄进度，令MIRROR只能留在酒吧笃波，本身安排的户外活动亦被迫取消。「私追」粉丝问题最严重的是姜涛，最后12位镜仔决定集体向粉丝表明立场。

经理人花姐笑言姜涛做甚么都有人喜爱：「唔使好用力帮佢Plan，唔使执著佢条头发好唔好睇，唱歌好唔好听，一行出嚟就有人钟意。」即使系万人迷，姜涛对自己都几有要求：「我做音乐想以自己谂法为主，就算花姐有啲位唔认同，我都会坚持去做。宁愿大家觉得唔好，我先再改。我唔太擅长Social，知道一出街就俾人认到系好多Artiste追求嘅事，但我初心只系想表演畀大家睇。」花姐又指姜涛对自己要求好高，而且好自我，虽然他眼光独到，不过「唔代表系啱」。


梁祖尧（祖祖）透露拍摄第二日，MIRROR被困在酒吧无法出外：「就算有几钟意笃波都笃咗4个钟，开始眼瞓同闷。当知道好多户外Item因为Fans出现阻碍拍摄，好多设计咗嘅嘢做唔到，甚至预视到呢个假期要喺酒吧度避。」成员商量后一致通过，亦得到节目组批准，决定出去向Fans表达事件严重性，直接劝喻离开。最后由队长Lokman（杨乐文）和「梅窝队长」姜涛代表发言。祖祖也一直与花姐视像通话交代情况。

MIRROR成员在马路上的安全岛一字排开，Lokman先开口：「其实你哋成日山长水远咁入嚟，由朝等到晚，我哋系开心嘅，但都好心痛。节目组安排好多唔同议题同活动畀我哋了解自己，成为更好嘅自己。但因为大家太热情，有时阻碍咗拍摄。我哋都想做更好嘅自己，亦想拍一个更好嘅节目，畀大家感受吓我哋系点嘅人。希望大家可以畀多少少空间我哋同制作组，令我哋制作更完美嘅节目畀大家欣赏。」

AK（江𤒹生）接着表示：「今次节目对我哋12个好难得，因为好难夹档期。第一日入Camp，节目组希望我哋喺呢个Trip可以暂时放低偶像身份同MIRROR呢个包袱，重新感受年轻人应该要做嘅嘢。你哋每次活动早到又迟走，我哋开心又痛心，将来我哋仲有好多机会见面影相，节目出街大家就会明白点解我哋要企出嚟讲呢件事。」

姜涛先向Fans讲「辛苦晒」，之后他向姜糖（姜涛粉丝称呼）道：「其实一直以嚟好少公开同Fans讲说话，包括私追嘅问题。好开心大家陪住我，但喺呢个Trip，大家行为的确令我有少少唔开心。我唔想隐瞒，因为大家系我Fans，我有责任保护你哋。唔想你哋俾我以外嘅人话，与其俾工作人员话，不如由我自己讲出嚟。冇谂过大家存在会阻碍工作，辛苦大家一直嘅等候，但希望有个双赢嘅局面，大家可以返屋企休息。」

姜涛继续说：「无论系今次定以后嘅拍摄，大家畀少少空间我哋，一来大家有危险，二来真系阻碍到我哋工作。希望大家以后可以成为令我骄傲嘅一份子，唔想大家或我都难做。唔阻止大家继续留低，系你哋自由，但如果私追跟得太贴嘅话，我唔会畀任何反应大家，希望大家快啲离开。」最后MIRROR向粉丝鞠躬。祖祖表示：「Feel到MIRROR一早因为私追而有心结，其实每个人都好想解决。」

姜涛事后再谈起此事，「好难忘，因为系第一次冇花姐、冇任何经理人之下自己面对呢种事。出道以嚟私追问题都系造成内部矛盾原因之一，大家团结面对好难忘。」Tiger（邱傲然）坦白表示：「应该一早要解决，之前拍《男排女将》Fans已阻碍拍摄，但未试过12人集合力量去劝大家。」

姜涛认同今次是MIRROR团结的里程碑：「我哋怀疑过大家系咪一条心，会以为有人私下叫Fans嚟。唔敢讲一直好团结，大家因为唔同原因而不断又团结又散，花姐都唔敢拎出嚟讲，怕一讲MIRROR就会冇，所以今次大家咁团结我好开心。」