【独家】影坛新仔对住GiGi郑中基冇怯场吕爵安拍外景被围变Fans见面会

2021-06-17 22:38

吕爵安处男拍电影，对住梁咏琪、郑中基演出冇怯场，而本报直击外景场地竟变Fans见面会。

男团MIRROR除姜涛外，将于6月28日播出的香港首部BL剧《大叔的爱》的两位男角卢瀚霆（Anson Lo）及吕爵安（Edan）同样超受欢迎，广告接唔停。特别是后者，搞笑玩得最重要冇偶像包袱，就算早前疑被前度爆曾偷食都无损人气！日前本报独家直击Edan拍处男电影《阖家辣》，开工仅两日经已成功融入剧组，同前辈郑中基及梁咏琪有讲有笑，对fans亦有求必应，任影唔嬲，拍外景变Fans见面会，劲嘢！采访：方骞平、谭壹致

日前经理人花姐出post大赞吕爵安，「佢一直靠著自己嘅努力得到今日嘅认同，从来唔会埋怨，唔会扭计，唔怕蚀底，而且好学。」跟Edan出身入死的花姐当然知佢好嘢，连跟得好贴的吴君如亦睇中Edan有喜感，搵佢喺监制兼主演嘅贺岁片《阖家辣》中担演一角。

处男拍戏好淡定
日前下午，是Edan开工的第二日，大队喺屯门村屋取景，Edan要同前辈梁咏琪(GiGi)及郑中基(Ronald)做对手戏，「处男」Edan好快融入剧组，经常有讲有笑。当日，Edan以韩剧《驱魔面馆》男主角赵炳圭的微曲发加浏海及深绿色运动装配黄胶鞋造型现身;而留须的郑中基就紥住辫，梁咏琪就穿上中袖衫及阔身裤加斜孭袋，大妈feel出晒嚟。当日场口讲述地产经纪带GiGi、Ronald及吕爵安一家人去睇楼，Ronald睇唔啱，Edan惟有笑住拍拍经纪膊头打圆场。虽然监制吴君如唔在场，但执行监制邹凯光及新晋导演郑晋轩睇到实，Edan作为影坛新仔表现淡定冇怯场，做惯综艺嘅佢仲会加入生鬼表情增添喜感。因为冇乜NG，入黑前就能如期拍毕当日戏份。

相处愉快

开工仅两日，从Edan笑容可见，同前辈梁咏琪及郑中基相处好融洽。 — 相处愉快开工仅两日，从Edan笑容可见，同前辈梁咏琪及郑中基相处好融洽。

有求必应

Edan离开前做人肉布景板20分钟，围影嘅有妹妹仔。 — 有求必应 Edan离开前做人肉布景板20分钟，围影嘅有妹妹仔。

围观街坊老中青
现场所见，Edan工作态度认真，未埋位前唔会玩手机，埋位时唔使入镜就会企喺附近stand by。有明星入村拍戏自然惊动村民，唔同年龄层的街坊扑晒出嚟睇明星，熟女村民听到有MIRROR，满心欢喜谂住去睇姜涛，见唔到姜B见到Edan都好啦。目测当日抱住BB嘅妈妈及妹妹仔见到Edan最开心，围住要求自拍唔肯走，围足20分钟有求必应，唔止玩selfie，仲笑晒口竖起大姆指摆pose。最后因为聚集嘅村民愈嚟愈多，剧组唯有扯走Edan。