【独家】首度个人身份竞逐颁奖礼 AK阿Jer@MIRROR望拖埋阿Lo冲线

MIRROR成员AK（江𤒹生）和阿Jer（柳应廷）早前各自推出第3首单曲《金星女孩》及《风灵物语》，两人都认为今年能够在疫巿下推出到3首单曲实在不容易，亦都好感恩。对于今年首度以个人身份竞逐年尾颁奖礼，他们笑言最想跟同样今年单飞的队友Anson Lo（卢瀚霆）齐齐拖住手冲线，边个得奖都一样咁开心，不过他们又互笠高帽直言较睇好对方夺奖。撰文：杜淑霞 摄影：李维隆 发型：Man Chan @ Chic Private I Salon 化妆：Giann(AK)、Tifa(Jer)@Annie G.Chan Makeup Centre 服装：Mister  Gentleman 场地：wahaha partyroom

AK谓《金星女孩》讲每个人心目中都有个女神或者男神，他更随即向心目中女神、韩国女团SISTAR的宝拉示爱，「我觉得佢好靓，佢又好运动型，但系个样睇落好sweet好靓好可爱，我锺意啲可爱型嘅女仔。」至于阿Jer就指《风灵物语》跟另外两首物语系列歌曲一样，有着相同的讯息，「想讲黑暗之中要坚持，要撑过去放开释怀，不过《风灵》就系带大家去未接触过嘅世界。」

对于颁奖礼首度以个人身份参与，AK和阿Jer都觉得好兴奋，又互笠高帽睇好对方夺奖，但梦想是跟Anson Lo㩦手得奖，「有机会真系想3个一齐，我哋幻想过最美好嘅画面，我哋有3个金银铜一齐拖住攞奖，一齐冲线，咩排位都冇所谓，同埋相信MIRROR其他兄弟都会back up住我哋，我哋攞奖其实都系代12个兄弟去攞，希望到时天公做美啦！」



踏入新一年，阿Jer和AK都各有愿望，不过阿Jer一讲即引起AK不满，相当搞笑。阿Jer话：「有啲嘢觉得自己做得未够好，唱歌技巧仲有好大进步空间。（AK：大佬呀！好明显呢样嘢系我讲㗎啦！你一嘢抢咗去讲，你讲跳舞得唔得呀！？）哈哈！我只系觉得出道两年，想再快啲进步，希望唱歌愈嚟愈稳定，可以唱到唔同嘅曲风。」AK除了唱歌技巧进步，2021年会继续努力进修音乐知识，「我想去学多啲音乐上嘅知识，希望可以将来有机会参与到作曲或者音乐上嘅嘢，我唔想剩系斋唱，我想自己可以玩多啲唔同层面嘅音乐，所以嚟紧一年我会努力去学习。」