【眼湿湿】疫情下转做直播赚钱自救 陈婉婷要十二岁小粉丝送礼接济

陈婉婷（Hebe）联同Stella Yeung 杨芷羚、电竞KOL葱葱、Model 为直播平台拍摄广告，众人以Party Look造型上阵，顺道补祝圣诞节。Hebe就话疫情初期收入大受影响，被迫转投主播行列，仲讲到眼湿湿：「初时收入真系好差，系佢哋叫我唔好放弃，先撑到𠵱家。𠵱家做直播都叫维持到生活， Fans送礼物畀我再收分成。我记得有个Fans得12岁，我都叫佢只系睇好啦，唔好充值，点知佢用晒利是钱送礼物畀我，最终畀家人发现禁止佢再玩。」

 
离开TVB后她最后一部剧作《坚离地爱坚离地》终见天日，Hebe仲自爆系电视精，一直追睇ViuTv《全民造星3》，尤其好锺意陈泽言（CY），系她心目中杯茶！但她就冇咁嘅胆量去参赛。