【听话啦】呼吁观众完骚勿后台等候 张敬轩语重心长︰要识得分轻重

张敬轩的红馆骚今晚来到第四场，由于疫情严重，为咗防疫起见，他事前已拍片呼吁观众完骚后勿到黄闸位置等候，讲明不会出来见Fans，确保大家安全，但连续几晚仍有部份歌迷「痴痴为你等」！轩仔昨晚在社交平台再度呼吁︰「各位朋友仔，由于防疫安全，今晚唔好亦都唔可以再喺后闸等喇，大家要乖，要配合好我哋，我哋先可以继续做好个SHOW。听话喇吓，大个仔大个女要懂事，要识得分轻重。真系唔可以再聚集同等候喇，大家嘅心意我收到了，等疫情过后，我哋再影相签名吓！」

此外，轩仔在限时动态上载早餐相，笑指今日加餸，除了有歪歪斜斜小笼包外，更惊见烚鸡髀，难得有肉食，相信今日冇投诉喇啩！