【心灵伴侣】有懂事爱犬陪伴 肥妈踼走抑郁心情转好

和肥妈（Maria Cordero）结婚21年嘅第二任丈夫Rick本月5日肺癌病逝，肥妈带著哀痛承诺会继续喺社交网出Post，肥妈日前在社交网拍片讲老公病逝一事亦忍唔住落泪，她沉淀心情后，昨天身穿沉色衫裤，上载和爱犬互动短片，片中见肥妈为爱犬清洁毛毛，心情明显有好转，猛赞爱犬乖乖，又话够钟整骨头畀佢哋食，几只狗狗更扑住去嘴她，跟出跟入。肥妈又指生前老公最锡嘅Barney日日伏喺度冇晒心机，皱晒眉头好阴功...

肥妈写道：「依(𠵱)几日开始出下(吓)去，身边的朋友都约我出下(吓)街，去行下(吓)山。留系(喺)屋企个(嗰)阵，狗狗们都会过晒嚟陪我，依(𠵱)段时间好彩有佢地(哋)，佢地(哋)好似咩都知道咁，我一行出花园，佢地(哋)就会系训(瞓)晒系(喺)我格(隔)离。

其实真系多谢大家，我知道唔应该讲多谢，但系除了多谢，我唔识讲咩说话表达，好感恩有大家，大家真系好有心另外，都想同大家讲我老公将会系(喺)17号设灵，18号出殡，等完左(咗)老公身后事，到时Live再见大家。」