【独家】连出两剧变「台庆月之花」张曦雯弃女神玩丑样求发围

2020-11-13 03:29

现年30岁的张曦雯(Kelly)备受力捧，除于新剧《木棘证人》担正女一外，另一套台庆剧《踩过界II》亦系主线演员。对于变咗「台庆月之花」，Kelly直言好惊讶：「我等咗呢啲机会好耐嘞，有啲紧张同压力添！」她形容自己只系啱啱开始，暂时未有实力去攞视后。采访：方骞平摄影：谭壹致发型：[email protected] 化妆：Janice Lam @glowmakeupacademy 服装：Lane Crawford 造型：Cheryl YAM 场地：The AIR (The ONE)

张曦雯话机会唔等人，𠵱家会全力搏杀，就算搵到Mr. Right都唔打算结婚生仔住。

张曦雯喺新剧《木棘证人》及《踩过界II》入面同样饰演律师，但唔怕观众有混淆，因为除咗剧种唔同，《木棘》冇法庭打官司场口，而且比较轻松，角色又比较泼辣，仲出手掴人，吵闹中带出唔少欢笑，连韦家雄都赞她做得够放，好有惊喜咁话。

对于演技受赞，张曦雯多谢男主角罗子溢(前名罗仲谦)及韦家雄，「佢哋畀好多意见我，又有好多计仔，有信任自然放胆去做，放低晒离地女神形象，丑化自己，真系为个剧本而做。除咗有场戏讲我打扮性感赴约外，另一场话我同谦谦、韦家雄开睡衣派对，喺唔知情下受药物影响变得好high，挨身挨势傻笑，又好呆滞咁食面同强吻谦谦，我冇顾个样㗎。」虽然个样好丑怪，但Kelly唔介意畀大家睇到另一面！连剧组都打个突追问她：『你肯定咁做？使唔使斯文返啲呀？』不过Kelly难得有机会试唔同嘢，就努力去到尽，最重要刻集系去年7月去完美国进修演艺课程后的头炮作，「希望畀人睇到有进步。」