【独家】港姐五强 企硬唔P图唔美白　34D何泳芍做有瑕疵天然美女

2018年参选港姐时，何泳芍（Honey）凭34D「心形胸」与Fit爆小麦色Body深得网民欢心，惜最终五强止步，输给陈晓华。早前，更传因「样衰」而被飞出节目《学是学非》！常说「一白遮三丑」，由细到大都被嘲似「宾宾」的Honey就坚拒美白，誓守一身健康肤色：「有届世界小姐系菲律宾人，真系好靓，所以我好Proud to睇落似菲律宾人。」更谓带头做Role model，做个唔P图、「有瑕疵」的天然美女！撰文：黎宝伦　摄影：李维隆　场地：FlamesGrilledChicken　鸣谢:Barry@巧松啲

签约无綫后，何泳芍在旅游节目《3日2夜》大骚火辣身材，凭34D胀卜卜上围获网民关注！虽然演出机会接踵而来，但今年6月，Honey忽然传被高层嫌「样衰」，更找来陈欣茵顶替她于《学是学非》的位置，Honey笑住否认：「其实我都系港姐Top 5，呢啲新闻信3成啦，啲高层都好无奈，只系完咗呢一季，节目本身都不停换主持，而我一直都有工作，证明传言唔系真。」

自幼被批评
说到一身健康肤色，Honey直言年幼时都自觉丑样，更自小被嘲似「宾宾」，「我系丑小鸭，但未觉得自己变天鹅。因为香港人唔系好锺意好Tan嘅女仔，细个会俾同学笑，以前都觉得自己唔靓，父母都同我讲：『白番啲啦』，妈咪仲觉得我入唔到港姐决赛，但而家我会以唔同角度睇自己，唔介意人哋批评。」想法有所改变，全因早年到美国留学令她重拾自信，「外国人好锺意我嘅肤色，见到好多偶像都好Tan好靓，我觉得香港都可以有咁嘅偶像，而唔系得一种靓，所以我坚持唔美白，呢个底线一定要守！（公司唔畀晒黑？）公司锺意我呢个Style，但都会叫我唔好晒太黑，咁Cameraman同打灯系好难做嘅，尤其做《学是学非》拍埋冯盈盈呀最白嗰几个。」

患上暴食症
然而入行后，Honey也为减肥压力大到一度患上暴食症，当时她一日食一餐，试过饿到一次鲸吞3个麦记餐，仲要经常食到呕为止！幸及早发现，她开始逼自己抛开减肥的念头，正常地饮食及做运动，如今Honey亦不再过份在意别人目光，更不会理会网民的恶意抨击，「我留意到大家愈嚟愈严谨，见到件衫松就话人凸腩，令啲女艺人不停P相，但现实中唔会有完美嘅嘢。我而家都唔P图，因为唔想制造唔真实嘅Standard畀后生女去Follow，希望由自己做起，改变其他人对于Role Model嘅谂法，作为艺人除咗靓，都要有啲社会责任、教育意义畀后生女。」因此，最近她捞过界做YouTuber，拍片大谈情绪病、暴食症等心理辅导话题。