【独家】拍《吃掉》谈爱情数前度 张惠雅张蔓姿张蔓莎更信缘份

张惠雅（Regen）与孖女张蔓姿（Gigi）张蔓莎（Sabrina）早前参与ViuTV真人骚《吃掉前男友》，齐齐大数前度。单身5年的Regen去年底以为遇到真命天子，不惜放低定下的标准，却换来只能维持3个月的爱情。Gigi跟圈外男友因沟通不足分手，单身了3年。而年前跟吴肇轩公开恋情的Sabrina，早前两人因性格不合分开。三女虽然单身，但她们认为宁缺勿滥，参与《吃》节目后，更加相信缘份，有爱情当然好，但单身一样可以好精彩。撰文：杜淑霞 摄影：李维隆 服装：Sandro(张蔓姿及张蔓莎)

32岁的Regen单身5年，去年底遇上细她5年多的圈外心仪对象，因男方仍未放低前度，令她打烂醋坛，最终恋情只维持了3个月，「我单身咗5年，有set到唔可以细我好多，同埋啱啱分手嘅人，点知set咁多嘢系废嘅，旧年12月识佢嗰阵，佢系啱啱分咗手冇耐，但系佢同之前嗰个咁深感情，我唔系咁锺意夹喺中间，有啲可惜，好难得搵到个自己好锺意好欣赏嘅人。」


Gigi就单身了3年多，「我又冇觉得好惨痛，我好乐观面对自己嘅生活，有好多嘢系缘份，我同ex做番朋友，冇特别伤，我喺佢身上仲学到好多嘢，佢系我好欣赏嘅人，大家仲有联络。」讲到分手原因，Gigi说；「未一齐会有好多幻想，但一齐之后好多生活上、沟通上唔容易，同一个人好沟通好自如咁生活唔简单，一切随缘。」

吴肇轩问准家姐追妹妹


至于18年跟吴肇轩因拍《身后事务所》而挞着的Sabrina，就坦承已单身一段日子，但两人再见亦是朋友，「我哋依然系好朋友，佢见证咗我成长嘅一个人，𠵱家只系换咗一个身份同角色去继续陪住大家成长，我遇到问题问佢都会覆我，聚会都会见面，间唔中会联络。（分手原因？）性格上嘅嘢，大家各有各嘅追求，我谂大家都系事业心重，我哋都想大家事业好，会默默支持大家。我拍呢个节目都有同佢备定案，佢回覆都系好鼓励性嘅。」原来当日两人拍拖，孖生姐姐Gigi扮演重要角色，因Gigi读演艺跟轩仔同班了4年，Gigi说：「轩仔聚会时有问过我，可唔可以追我阿妹，好尊重，当然我决定唔到任何嘢，佢锺意就尝试，最紧要对佢好。」



三人都认为作为女艺人，确实较难搵对象，Regen说：「会避忌啲，小心少少，自己圈子比较窄啲，呢个年代好多交友app，节目入面教我哋煮嘢食嗰个女人，佢都系交友app识佢老公，仲结埋婚，但系我哋身份唔可以玩呢啲嘢，变咗难啲罗！」不过三人都一致认为宁缺勿滥，Gigi说：「每个女仔都要独立，当然向往恋爱，但系单身一样可以好精彩。」Sabrina都认同，「自己准备拍拖先可以畀到幸福人，当然可以一齐去寻找，慢慢嗰个人就会出现。」