【独家】经营和牛店被淋红油 麦包玩咗四个月火速退股

发生喺麦包(麦长青)身上嘅故事，真系一波未平一波又起！麦长青妻子林孜扰攘多年嘅手机炒卖骗案，引发麦包亦受牵连出现钱债纠纷官司，麦包受到滋扰被人追数。及后他入禀高院禁止对方再作损害其名誉的行为并索偿800万港元，但法官裁定麦包败诉，同时亦驳回被告要求麦包赔偿118万港元的反申索。官司败诉，4个月前他与友人合资7位数于大坑开铺卖和牛，谂住疫市转型，做吓生意人自救，点知和牛店最近被人淋红油刑毁，搞到要报警处理。红油风波后，原来麦包日前已低调地急急退股，同老婆全面彻出和牛店，今日麦太喺社交网出post同和牛店划清界线，表示因理念唔同，和拍档和平分手。而麦包接受头条独家访问时，却解释系有其他工作要兼顾而已。

麦太话理念唔同要分手
今日Allison出Post写道：「由7月到现在刚好4个月，每天上班下班，切肉刨肉包装甚至到送货，几辛苦都系开心做，因为每天都在学习，到现在睇到块肉就可以分到系咩位，影相编辑所有野(嘢)都自己来，好有满足感，今日我同老公要告诉一直支持同有关注我哋嘅朋友们，我哋正式退出大坑和牛店，因理念不同，和拍档和平分手，多谢呢4个月以来来过铺头的好朋友们，我又做返师奶啦！各好朋友们可以约我食饭啦！」

麦包解释太忙兼顾唔到
本报记者追问麦包，火速退股系咪同红油风波有关？他解释唔系，强调唔关事：「嗰件事经已交咗畀警方处理，只系我有自己工作要做，怕时间上未必顾兼得到啫！我啲拍档档都好明白同体谅，呢几个月嚟学多咗好多嘢，尤其喺营运方面，就算送埋货，成个过程都好开心，大坑啲人好有人情味。所以成事件我好开心嘅。」本身谂住转型瞓身一搏的麦包，失去咗一个搵钱门路都唔会失望：「和牛店生意暂时系未有钱赚嘅，就算失去咗都冇问题，总之冇损手离场，冇不愉快事件。」

唔埋怨顺应天命向前行
被指人生经历波折重重，他却说：「的确浮浮沉沉，个天成日畀考试，但每当考验完又会有光景，有啲嘢会畀到你，可能个天想我学啲嘢同睇啲嘢呱！亦庆幸个天畀条路我向前行，惟有顺应天命，努力安守本份做好自己，唔好谂得咁负面，只要屋企人齐齐整整，我就OK喇！」