【独家】点睇都唔似50岁 宣萱买家品计过度过好精明

宣萱(Jessica)签咗古天乐做经理人后好多嘢做，拍剧又拍电影，虽然50岁但事业仍有大把可能，系呀，唔经唔觉宣萱已经50岁，人生呀。日前下午，着住便服戴咗Cap帽，点睇都唔似50岁的Jessica单拖去IKEA买家品，见佢拣储物箱、防水床笠同花盆，每件唔过300蚊，但Jessica都好小心拣，甚至用埋软尺去度位，买咗唔啱用就无谓啦。采访:梁志明

当日下午，紥住条辫仔，戴住眼镜及口罩的宣萱去铜锣湾IKEA行街，见佢拎住电话一边拣储物箱一边睇电话内嘅相簿，应该一早有心水货品，拣咗一轮终锁定一个$89.9的储物箱，宣萱拎住软尺系咁度，度完高度再度个箱嘅底部，度咗一轮终决定入手。

宣萱好忙
其实拣储物箱时，宣萱都好忙，一边听讯息一边拣嘢，从而发现宣萱有两部手提电话跟身，一部红色一部黑色。拣完储物箱再去睇防水床笠，好适合家有一猫一狗嘅宣萱使用，单人$149.9，双人$219.9，宣萱都拣咗一阵同样有入手，最后睇埋花盆，呢个拣咗一阵就放弃，然后就去自助收银柜位找数，完成入手家品使命就去停车场驾车离开。