【独家】牛仔背心衬牛仔裤行街 65岁任达华原来系亲善大使

首先恭喜任达华，不久前喺「中国电视金鹰奖颁奖典礼」中凭剧集《澳门人家》获「最佳男演员」奖，系首名得到呢个奖嘅香港男艺人。虽然已经65岁，入行45年，但华哥无话退落嚟，有戏就拍有剧就演，最难得年近7张都仲好见得人。日前下午，戴住Cap帽，着住白Tee加牛仔背心配牛仔裤嘅华哥现身铜锣湾，见到记者又举V又竪起手指公又拜拜，一只手可以做嘅友善手势都做匀，华哥真好。采访:梁志明

拎过唔少影帝奖项嘅任达华对于夺视帝表现激动，佢接受访问时说：「我都系拍电视剧出身，后来转拍电影，现在偶然又拍返电视。拍电视就好似一个大家庭咁温暖嘅感觉，多谢太太同女儿，因为有4个月无见面，佢哋畀我好大动力。」华哥一家人的确好有爱。

日前下午，着到好Young又好Fit嘅华哥喺铜锣湾出现，见佢喺利舞台附近讲电话，讲电话时将个口罩拉低咗见到个鼻，又系咁用手掂个口罩，虽然疫情又再度缓和，但都要留意。讲完电话就行咗去白沙道，当时华哥架七人车已经喺度，不过华哥冇即刻上车，因为佢见到有间卖运动衫嘅店铺，所以就行咗入去兜两个圈，佢主力睇波鞋，不过睇咗阵冇心水就闪，上车前，华哥同记者打招呼，又举V又竪起手指公又拜拜，不如下次畀埋心心吖。