【独家】新歌参考王菲唱法 黄妍疫情下迷上下厨

黄妍（Cath）早前推出新歌《迟起的鸟儿有虫吃》，一改以往曲风及唱腔，带点调皮反叛感觉，她坦承有参考王菲唱法。由于歌曲讲不守规矩，填词人要求Cath自爆曳曳事，竟被指太小儿科，她也自觉为人只有少许反叛，最曳要算是下厨不爱跟食谱。而疫情下她除写歌，确实爱上下厨，跟妈咪学养生汤水外，试整卤水食品更获朋友同事大赞，令她对下厨信心大增。撰文：杜淑霞 摄影：谭壹致

新歌由Cath跟李一丁一齐编写，加上监制Adrian Chan和填词人王乐仪的三面鼓励下，令Cath打破以往固有的框框，放胆跳出来作新尝试，唱法变得跳脱，「佢哋叫我录Demo时唔好用平时把声，听娃娃同王菲点样做到，特别系王菲唱到有画面，跟住喺屋企乱咁试，原来用咗唔同cut法，同埋把声摆唔同位，把声立体咗，有番个画面感出嚟。」

单听歌名已觉玩味十足，不过原来王乐仪要求Cath自爆曳曳事，她只能数到冲红灯等不守规矩的小事，后来她才发觉自己最反叛竟是在下厨方面，「发觉自己煮嘢食方面几曳，系朋友讲我先觉，譬如我试过一次屋企只得高筋面粉冇低筋面粉，但系高筋面粉应该系整面包，但我照用嚟整蛋糕，跟住整咗出嚟系QQ哋，朋友就话『黄妍你唔好再整，你整我准备晒啲材料你跟住去做啦！』哈哈！」




疫情影响，长胖了的Cath一改以往讨厌做运动，变成每周做两三次HIIT外，还疯狂迷上下厨，虽然她继续不爱跟食谱的烹饪法，但一样得到赞赏，「嗰排我去朋友屋企或者朋友嚟我屋企整嘢食，佢哋话几好食，特别系卤水嘢，佢哋扭我再煮，工作人员都有食过，后尾发展到有啲同事话点解未食过，于是就系社交平台有『黄妍煮』。（开频道？）拍片有啲困难，好多朋友要我分享食谱，我真系推嘅，因为我唔知我落咗啲咩份量，有时见雪柜有啲咩就随便落。」Cath又解释可能细个爱睇黄妈妈下厨，所以不知不觉就偷了师，最叻学了妈咪拿手的煮鸡酒补身。