【升级死敌】生日寸爆过气闺密冯盈盈  江嘉敏：望识带眼识人

上位TVB小花江嘉敏(Kaman)今日26岁牛一，着住火红色衫，好有喜庆feel嘅寿星女喺凌晨出Post，分享生日愿望，讲完踼走疫情及环保「大道理」后尾随掟骨，暗寸「过气闺密」冯盈盈（FYY），写道：「希望自己成熟啲，识带眼识人。」哗哗哗！睇嚟寿星女内心同外在一样，好火！

 

江嘉敏凌晨上载咗一张笑容满面，P过图嘅大头相，留言：「我生日喇！生日愿望简简单单，疫情快啲同我消失，全部人都有野(嘢)做，食得饱，人类乖乖爱护地球。少用啲胶袋，胶饮管，即弃餐具⋯⋯地球冇咁快灭亡，我可以听多几年生日快乐丫！最后梗系想自己食极唔肥，同埋希望自己成熟啲，识带眼识人。太耐冇自拍，搞到个头劲大。#生日要红当当(当)#好少凌晨出post#宣布(布)放弃减肥一个月#眨下眼又生日噜」

江嘉敏生日post获圈中友好余香凝、张继聪、伍允龙、李佳芯、黄智贤、傅嘉莉、JW等留言祝贺，当然FYY冇影，并冇对号入座，亦暂时未有出Post反击。

 

自从「富豪船P」罗生门事件后，江嘉敏和冯盈盈便由「打卡之友」降呢「过气闺密」，姊妹情不再，而江嘉敏早于8月中已转黐「楷女郎」郭嘉文及富家女邝洁楹；盈盈就约麦明诗擦蟹，两人各自各精彩。最搞笑系盈盈约麦明诗(Louisa)擦蟹合照相，有网友喺Louisa的IG内留言说：「唔系反咗面咩？」Louisa好快回覆网友：「系咪搞错咗呀？唔系我喔！」江嘉敏和冯盈盈反面事件随即再度发酵，空月来风未必无因！