【独家】陪妈咪食饭变「魔术」 江欣燕戏飞摄在Bra好骑呢

记得阿爷阿嫲年代，好多人锺意将啲贵重物品收喺鞋笼、阿婆底衫底裤里面，以防畀人偷，估唔到去到2020年，都仲有人将物件收埋底衫入面，讲嘅系江欣燕。日前晚上，佢陪81岁的江妈妈（江张妙玲）去又一城行街、睇戏、食饭，可能难得「出关」的江欣燕都分秒必争，当日等上菜、电影开场前均撇低老妈子，独自杀入潮店试衫及睇电子产品；不过最骑呢系食饱饭后，她于餐厅内左摷右摷搵戏飞，其间忽然伸手入Bra，更快手掏出一张「有味」飞，真系精彩过睇变魔术，唔知内里仲有咩乾坤呢？采访：谭壹致

现年53岁的江欣燕于13年宣布跟吴积逊结束12年婚姻，回复单身的她鲜有传出绯闻，平时都陪家人多，江妈妈也坦言好担心自己百年归老后冇人照顾个女，而早年接受访问时，江欣燕就表示可以与妈咪生活感到无比快乐，更谓唔需要男友，自己都可以行街、睇戏、去主题公园，非常独立！

争取时间Shopping
日前晚上8时许，江欣燕陪妈咪到又一城Zara Home买嘢，其间二人分开睇，爱锡孙女的江妈妈走咗去拣公仔，估计系想买畀细女江希文的7岁囡囡，至于江欣燕就摆设、收纳袋、咕𠱸等乜都睇吓掂吓，之后她又向妈咪抱怨：「屋企啲叉同羹4只唔见3只，成日都唔见晒嘅？！」最后逛了半个钟，扫走几只叉和羹便到隔离王家沙食上海菜。一点完菜，江欣燕忽然企起身行出去Shopping，离开餐厅不足10分钟，研究紧电子产品的她得悉已经上晒菜，即快速闪返去餐厅开餐，席间仲好孝顺密密夹餸畀妈咪，不过除低口罩冇消毒只手就夹餸畀老人家，防疫意识好低喎。

唔知点解摄飞入胸
晚饭尾声，江欣燕将餸菜放进外卖盒后就开始从袋中摷出戏飞，一张放喺枱面畀妈咪，一张就自己Keep喺袋仔，未几她又从胸围内秒速抽出第三张飞！见她手法纯熟，估计都习惯将啲嘢收埋喺Bra度。但究竟此举用意何在呢？唔通张戏飞好珍贵，所以要「贴身」保护？呢个谜真系得天知、地知、江欣燕知。不过睇到呢一刻，唔知握过呢张「有奶味」戏飞的票务员回想番，可有感受到一股暖流传遍全身呢？又其实张飞贴住个胸唔拮肉㗎咩？见仲未够钟开场，江欣燕又走到楼下潮店睇衫，但试完几件外套后都冇帮衬，随后又走进I.T.打发时间；而较慢活的江妈妈食饱后，一个人施施然行去戏院先入场，直至近10点，食完烟仔的「路痴」江欣燕于商场内兜了几个圈先搵到间戏院。