【最长白带】同小妹妹齐考升级试 三十岁吴业坤满头大汗紧张狂嗌

现年30岁嘅吴业坤有气有力，上年开始操肌变身大只仔，趁疫情下工作大减，更的起心肝学习，由今年6月开始拜前香港空手道精英运动员李伟志教练为师，学空手道，他更立志：「拥有Airfitness kick boxing经验3年，TVB剧组武师即场指导3年，何日东小学国术兴趣班23年，人称『人间空气』既我，决定左（咗）学空手道就唔可以马虎。」

学咗接近半年，吴业坤由白带考黄带，事后在社交平台分享过程，最搞笑几十岁人，系跟小妹妹一齐考试。原来白带考生只有他系「3字头」。吴业坤留言：「学左（咗）五个月第一次考带，得我一个三十岁既（嘅）呀（阿）叔，其他小朋友有家长陪伴，身旁两位妹妹完全轻松，我就满头大汗又错哂（晒），不过唔紧要啦，一场人生，就任我年轻得无知，生命有限，燃烧下（吓）仅有既（嘅）青春同脂肪。#辛苦教练呢五个月我会继续努力唔会偷懒 #严师出高徒比（畀）啲时间我#香港东道会#叫出黎（嚟）果下（吓）其实好怕丑#糸东流#我真系好怕考试考车都fail#多谢教练好似我家长咁拍片影相。」网民大赞他系有型嘅，系Good job偶像，仲有人发现坤哥叫得最大声最劲，先声夺人！