隔住张相都听到惨叫声 郑中基做Gym做到面容扭曲

ViuTV新剧《暖男爸爸》播出后大获好评，郑中基(Ronald)应该放下心头大石。寻晚Ronald上载健身照到社交平台，留言「烂船都仲有两粒钉」，照片中头发长长的Ronald做紧Gym，身后有教练指导正确健身动作，再睇返Ronald个样，虽然戴咗口罩，但从上半截表情已完全Feel到佢有几痛苦，隔住张相都听到惨烈叫声。

Ronald老友杜汶泽为咗Talk Show瞓身操练，家阵大只到变咗《变形侠医》，跟杜生同年一样48岁嘅郑中基唔知系咪想挑战自己，搵埋帮杜生健身嘅团队嚟Train，但睇佢个样咁痛苦，唔知可以捱几耐?加油呀Ronald。