【人气王】chok住拍口罩广告 MC张天赋处男下海稳袋六位数
2020-11-04 11:00 
《全民造星II》亚军张天赋(MC) 虽然冇签ViuTV，但依然系人气王，上月他应造星导师Miss Chan Chan(陈洁灵)邀请担任作品展《埋班作乐》嘉宾，有份合唱《标本》。最近他更处男下海拍咗个较大型嘅广告，口罩广告商睇中MC够人气，唱歌好，而且好有年青人干劲同埋动力，能发挥香港人精神。
早前MC张天赋喺维港风景下取景，拍摄期间有齐化妆师和发型师，一行10多人团队在场打点，排场十足！广告喺港九新界巴士站都见到他踪影，算系好揼本，唔少粉丝走遍全港巴士站逐个打卡追踪！他笑说：「有一晚喺旺角撞到有fans喺巴士站打卡，其实望住一排自己嘅灯箱都几尴尬，但系又觉得好开心，尤其有位同我玩咗好多年音乐嘅朋友，都喺灯箱自拍后掟相畀我，嗰刻感觉真系好正。」MC张天赋承认喺疫情下广告收入好唔错，代言费高达有六位数字。
喺《全民造星II》出身嘅MC有留意热播中嘅《造星III》，因为自己都有啲朋友参加咗：「都留意到今年好多负评，可能因为佢哋出咗道，啲人对佢哋要求会更高，其实都几大压力同几惨！咁我自己旧年都算系喺一片负评行到民选冠军，好明白嗰种感受，希望佢哋撑得住，然后个节目播出之后可以帮佢哋平反到啦。」
關鍵字
最新回应