【抵死】抱住爱猫摇嚟摇去呃Like 直击坤哥被猫打

今年5月，吴业坤领养咗只猫正式成为猫奴实现儿时梦想，猫女叫RABU（啦呠），日文解作Love。两父女相处得好快乐，坤哥IG常见RABU踪影，瞓紧觉嘅摊紧嘅被摸中乜都有，惹埋大堆囡囡留言，「好得意呀」x 无限，家有宠物，「吸粉」真系话咁易。

寻日坤哥就抱住RABU表演beatbox，一路口噏噏一路抱住只猫摇嚟摇去，猫最忌被抱得唔稳定，觉得唔安全必然发恶表达唔锺意嘅感受，话口未完，RABU已经发出厚重Meow声，然后双手一嘢拍落坤哥个头，痛就唔会痛嘅，但𤓓罗。坤哥话:「Rabu Diss我，我都系唱番歌。」其实咁样摇只猫，被Diss都好正常。