【浴袍隔音】滞留美国8个月终返港　王梓轩趁隔离酒店房当录音室

王梓轩滞留美国8个月后，日前终于返港。梓轩话：「嗰边嘅疫情系比香港严重好多，所以都要适应一啲新嘅生活模式，新嘅工作方式啦！」由于太多朋友好奇他从美国准备上机到返港隔离的过程，故此他拍了纪录短片与大家一一分享。

出发前三日，先上网找寻测试covid-19的诊所，「其实喺美国做深喉唾液测试，但唔系间间诊所都符合香港政府要求，测试完72小时之后便起程返香港，提提大家要确定所有嘅证书同证明都攞齐，因为机场服务人员喺唔同嘅关卡都会问你。」之后梓轩穿上防疫衣、戴上口罩及面罩到机场，上机后坐位范围再喷再抹才坐低，12个钟头航程睇了两套电影、食咗少少乾粮，其馀时间都瞓觉。抵港后，梓轩先接受检查，再到酒店开始14天强制性隔离，梓轩更趁着隔离期做音乐。「有首歌我一直都唔得闲录，所以趁隔离嘅时候录埋佢，我亦都会随身准备录音五宝，加埋酒店啲浴袍做隔音设备。」