【独家】单身多时随时迎接爱情 AGA遇合适对象会一眼认出

AGA（江海迦）最近在疫境下推出全新大碟《So Called Love Song》，碟中有不同主题类型的情歌，总会有一首让乐迷选择。谈到自己的爱情观，AGA认为点题歌的自爱讯息，正正是她要寻找的爱情关系，单身多时的她相信遇到合适对象会一眼就认出。对于一再延期的红馆骚，令AGA更觉得世事无常，反而使她变得更积极，只要准备好自己，相信个骚总能举行。撰文：杜淑霞 摄影：李维隆 发型：Gary Sun from Hair@M 化妆：Vanessa Wong 场地： 北京老家

大碟点题歌《So Called Love Song》主题是讲自爱，AGA认为这是爱情的基本，因要识自爱才懂得爱人。单身多时，随时欢迎爱情到来的AGA坦言，遇到合适对象好容易知，「我觉得搵到就会知，我相信一拍即合，一遇到就会知，𠵱家我好清楚自己要啲咩嘅人。以前嘅我好怕闷，一定要搵朋友，人大咗之后识得同自己相处，学识咗冇以前咁容易会觉得孤独。」

至于择偶条件，AGA觉得外形并不重要，最紧要大家沟通到，「对方要有自己生活态度，好有自己嘅谂法，要唔自私，至少心态上对社会有贡献，我觉得预到一个畀啲挑战我嘅人，应该就系佢啦！沟通真系紧要过外形，我又唔系好睇外形，我觉得当一段爱情，沟通唔到距离感系最大，有人问过我介唔介意Long D，我唔介意，因为沟通到嘅话，嗰个人好近，搵到嗰个人必需要沟通到。」




在疫情下AGA不单制作大碟有血有泪，连首个红馆骚都被迫延期，她知道一刻即化悲愤为食欲，跟家人大擦海鲜餐后，随即积极投入工作，「一知道要改期，我就谂呢只碟后面嘅歌应该点编排，我相信更多歌嘅话，个骚会愈精彩，我相信终会有一日个骚会开到，带一个更加精彩rundown畀大家，答谢大家买我演唱会飞。」这次日子也令AGA想通了不少，「我年尾去咗澳洲，本身去两个礼拜，结果滞留咗两个月，我坐喺我家姐间屋度谂，其实今日系红馆开紧演唱会嘅日子，但系我坐咗喺澳洲度，好多嘢冇得控制，更要谂清楚自己想变成一个点样嘅艺人，返香港后我变得好清晰，老土啲讲嚟想制作更多音乐带畀人正能量。」