美国开网上生日会 阿Bob「送女」贺王梓轩
2020-06-09 18:03 
6月3日是王梓轩(Jonathan)34岁生日，因工作未能返港庆祝的梓轩，早前搞了个线上生日会，有超过十个国家的粉丝及朋友参与，而好友陈炜，更亲手整咗只红鸡蛋兼画上图案，隔空送蛋！王君馨送祝贺视频；老友阿Bob更不失搞笑本领，眼见梓轩系黄金笋盘实行隔空「送女」，阿Bob笑说：「梓轩乜都有，系冇女朋友，我将12岁大女霏霏交畀佢，做佢女朋友……」梓轩大赞朋友的心思令他感动不已：「呢份礼物虽然令我好窝心，亦都好感激佢竟然将个囡囡交畀我，我估应该排到下年都未轮到我去见佢，因为陈国锋个仔一早已经抽咗签，我会问准佢呢个『竞争对手』先。」
谈到生日愿望，王梓轩希望疫情尽快过去，经济复苏，「我会继续制作影视作品，以及开设我的第一个网店，网店售卖我嘅专辑及其他商品，也会设计健身及音乐网上课程，分享正能量。再一次多谢大家祝福，我大个仔喇，我会继续努力！」
關鍵字
最新回应