黑胶碟一波三折终面世王梓轩从制作中汲取新知识

2020-09-15 19:49

王梓轩昨日推出《Crossing过去。现在。未来》双黑胶碟，纪念同歌迷过去嘅十年，并于上周六晚举行两场网上CROSSING黑胶试听会」，同100位粉丝听歌欢聚！

梓轩话印制呢张唱片一波三折：「双黑胶碟其实喺去年12月嘅演唱会已经有预售，本身谂住隔一、两个月就推出，但疫情关系delay咗好耐，因为黑胶碟唔系喺香港印，要攞去英国制造，印刷同运输所有嘢都delay，加上我喺美国，要同英国嗰边两边沟通，第一批包装仲要出咗问题，为咗做到最好，我哋用咗半年搞返掂至推出，所以要同歌迷讲好抱歉！」

梓轩说制作黑胶是一次难得的经验︰「最大困难系学习选曲、排歌同mixing，我之前全部都系CD或网上！原来放落黑胶个声系唔同嘅，我哋排歌会影响到音质，黑胶碟排法有自己嘅逻辑，我又学到好多嘢。」至于拣歌方面，梓轩亦经过几番挣扎︰「初时谂系咪将十年内最多人听嗰20首歌摆落去，但谂谂吓觉得咁做冇乜意思，所以加插几首之前冇plug过嘅歌。」