【几有情趣】露营食剩少量肉 张震岳返归开户外防风炉煎嚟食

46岁嘅张震岳好锺意玩户外活动，玩水超Like，踩单车亦喜欢更试过带队环岛游，行山露营绝对是近年至爱，仲会孭埋2岁饼印囝囝小谷沐一齐行山，又试过同老婆拍拖露营，相当识玩。

呢几日张震岳又去咗露营，因为食剩咗啲肉所以拎返屋企食，重点系张生唔用炉头开火煮而用露营用嘅小炉具嚟煮，包括煮饭及煎肉。张生所用嘅炉具产自瑞典，专出产高效能酒精炉及防风炉系列，炉具超易用，见张生由拆开到煮到收番埋超简单。

有朋友留言指张震岳家里明明有煮食Gas炉但硬要用露营煮食炉，张生就答:「硬来才是王道」，亦有朋友话佢个小锅饭份量不是开玩笑，张生就话因为「剩一杯米，全煮吃光光。」咁其实米就留得嘅，唔使夹硬食啫，食到个样咁辛苦为乜呢。