【Headline Girls】张沛乐　女生自强

现年28岁的「沙律」张沛乐有份参演的ViuTV新剧《熟女强人》正在热播，剧中，首拍「SheShe」戏的她饰演傅颖（Theresa）的前度，问到二人有否亲密镜头？她说：「冇Kiss，但有揽揽抱抱，啲激嘅画面唔喺我身上。（恨拍SheShe激情戏？）都想嘅，自己都未试过拍呢类戏，其实每个人都有一次同异性拍激情戏嘅经验，但我都未有就同女仔拍……不过都冇乜所谓啦，又唔系我拣嘅。」但谓自幼便喜欢台湾型男郑元畅，盼将来有机会跟对方合作。

至于现实中，可有女生曾对她产生爱慕之情？沙律笑称：「唔会㗎，冇女仔锺意我，因为我见身边好多女同性恋朋友，通常女仔嗰边（TBG）嘅都较娇嗲，而我性格比较男仔头，但男仔嗰边（TB）又通常短头发、好男仔，咁我又唔系喎，所以佢哋都未必拣我。」

讲到性格直率又刚强，拥33E、23、34.5火辣身材的沙律自然不乏追求者，不过她却唔恨嫁入豪门做少奶奶，曾获有钱仔追的她说：「我会先观察吓对方为人，嗰时自己都有啲却步，主要都系沟通问题，相处过后发觉对方以为自己讲嘢好好笑，但其实我觉得一啲都唔好笑，咁样已经相处唔到啦，之后又夹硬搵嘢嚟讲，咁强求就算啦，最后都冇一齐到，真系冇感觉。（如果一齐咗就印印脚唔使捞喇，哈哈！）使乜啫，自己印印脚唔得咩！我从来冇谂嫁有钱人，好彩屋企都算小康之家，所以钱唔系我人生目标，反而想努力工作证明自己，我宁愿搵个同我倾到偈，两个人或者一齐萌生到新事业，咁咪仲好！」曾被撩陪老细一夜情的她又表示唔稀罕搵「快钱」，相信靠自己都赚到钱买砖头。