【独家】疫情缓和后首个实体音乐会 糖兄妹十年经历迷失及无奈

糖兄妹转眼出道十周年，除了推出EP《Sugar Box》外，他们更会在10月24日于海洋公园怡庆坊举行《糖兄妹预见十年音乐会》，系疫情缓和后第一个实体音乐会，糖兄妹多年嚟冇合体，故糖妹既兴奋又期待。虽然疫情反覆，但糖兄话香港人防疫意识做得唔错，应该ok嘅。如果反应好，仲想开多一场。采访：方骞平

糖兄妹一直好希望开到实体演唱会嚟纪念出道十周年，同歌迷嚟一个集体回忆。可惜受疫情影响，计划一拖再拖，点知突然有个快期，两人就捉紧机会。糖妹话平日训练有素，随时可以上台演出；糖兄反而有啲担心及紧张，因为好耐冇喺现场弹，不过好快会Pick up返。

糖妹曾经无晒信心
糖兄妹异口同声话时间过得好快，亦见证住同期歌手王灏儿(JW)、林奕匡、吴若希、连诗雅及CAllstar等成长，糖妹说：「太开心，我哋仲做到锺意做嘅嘢，咬住自己梦想开到饭。」提到十年间辛酸史，发展得算系顺风顺水嘅糖妹都话有迷失过㗎：「有段日子同糖兄分开发展，大家焦点落喺我电视主持及演戏方面，嗰刻感觉冇晒信心，大家系咪唔再听我唱歌呢？有少少无奈，但都要生活。」至于糖兄就话两人分开时间都几长，曾有啲混乱，怀疑仲算唔算系组合？但只要搵到定位就冇问题，反而成日俾人大大声话『佢系一个星嚟㗎？』有啲难顶，不过，有咁多年经历，仲有乜好介意呢？呢十年嚟我哋反而学到识得沟通，会互相忍让。」糖妹好开心话：「不枉十年嚟嘅相处，呢刻我哋嘅成熟程度识得排解问题，仲成为默契更加好嘅组合。」