【好可爱】带「小谷沐」玩冲浪 张震岳一岁八个月囝囝超大胆

46岁的张震岳好锺意玩户外活动，行山、露营同冲浪乜都啱，自前年做咗老窦后，两人行变三人行，小朋友细细个就接触大自然，经常同阳光玩游戏，其实几好。

寻日一家三口就去咗海边玩，一岁八个月又十日嘅「小谷沐」完全唔怕水，见浪冲埋嚟仲不断笑，更爬上爸爸嘅滑浪板，初初玩企唔稳不断跌，但小朋友唔惊，跌咗再企返身，如是者玩咗好多次，终于成功。「带儿子去海边，第一次玩冲浪板，就想站，而且没在怕水的，一岁八个月又十天。冲浪很好玩，海王子没在怕水的。」

小朋友玩得好开心，追住爬上板，而张震岳更开心，全程Keep住笑，负责拍摄嘅妈妈同样由头笑到尾，成段片都睇得好开心。