【恐怖情人】疑被旧爱跟踪恐吓性骚扰　廖慧仪：呢啲唔系爱嘅表现！

落选港姐廖慧仪（Jessica）早前跟TVB节目《#后生仔倾吓偈》的23岁小鲜肉孔德贤（Danny）传挞着，有指Danny仲充当柴可夫管接送又约食饭，激到Jessica的圈外男友Sam于IG点名Danny：「Stop finding my gf please.」直至早前，Sam再于IG出Po宣布「分」讯，Jessica亦火速删除二人昔日甜蜜合照。然而6天前仍上载生活照的她，今晨却忽然于IG Story自爆帐户遭入侵，更遭人骚扰！

Jessica上载了数张截图并留言：「密码改几多次都无用，原来一直仲偷用紧我Email。跟踪威胁恐吓性骚扰，当街偷我电话跑走，捕我落堂、炸我WhatsApp讲粗口闹我唔去见你，全日打几百个电话比（畀）我打到我电话无电！出Post说我不是话要比（畀）世人公审我，我被人闹唔紧要，呢啲人都系互不相识嘅认，佢哋根本唔知件事嘅来龙去脉，但唔好事后同我讲个Post唔系自己出，系Account被人Hack左（咗）再搵朋友食死猫，扮到事不关己，扮呀（阿）妹扮朋友搵我，日日都玩跳楼，你要搞清楚呢啲唔系爱既（嘅）表现，你要既（嘅）解决方法我已经一早做左（咗），相已经Del左（咗），唔该你唔好再骚扰我打搞我、我朋友同我屋企人其实好多嘢已经可以报警处理，但谂吓点解我被你骚扰左（咗）一个月我都无咁做。点解？我一路被陌生人人身攻击，我都无出声，成见事如果你系受害者，呢个唔系你最想要同埋最好嘅结尾咩？」

虽然未有指名道姓，但网民就联想到滋事者是其前男友Sam。对此，Sam至今仍未于社交网作出回应，但昨晚他贴出打篮球的侧拍，并有感而发说：「人生第一次经历如此的九月份，很感谢也很感谢身边还有家人，朋友在这二十日关心、着紧我，如果没有了你们，我一早已经放弃自己。」