傅颖做小三主动激咀栢天男嗌痛

久没在港剧露面的傅颖，于ViuTV剧集《熟女强人》中饰演小三，介入吴千语和栢天男之间，还在戏中主动咀嘴栢天男。傅颖说本打算刷牙做准备，因道具组没有牙膏而作罢：「之前台湾都试过拍呢类戏，点知我之前食香蒜凉面，搞到对手好难受；当时对手伤风，我拍完嗰场戏之后，都病咗好一排！」
栢天男谓事前确定大家「身体健康」才拍摄，埋位前亦做足准备功夫：「食香口珠嗰啲就必需啦，我都系冇咩呢方面经验，要导演教路点做，好在呢个场景都嚟过几次，感觉好似好熟悉咁，易啲投入角色。」
两位演员拍摄前不停试戏、度位，只需两Take收货表现专业，傅颖笑指栢天男整到佢好痛：「佢啲须根真系拮到我好痛，但大家都系专业，所以埋位之后唔谂呢啲，只会谂住点样投入角色。」