【多图】入选全球百大美女榜  33E索爆陈静着内衣裤拍片派福利

31岁索爆「宅男女神」Dada (陈静），入选成为今年「美国电影评论网站TC Candler」全球百大美女榜。近日Dada获酒店邀请入住三日两夜，搵埋老友Staycation（宅度假）庆祝，喺疫情下，当系去咗次旅行嘅Dada心情大靓，仲特地抽咗一日时间，搵嚟相熟嘅摄影师充当导演，为她影相及拍片「派福利」。

 

片中陈静以一天悠然自得生活为主题，由她一起身开始拍摄，剪咗短发嘅陈静以一身灰白色内衣裤打扮现身，大晒33E、23、34 fit爆身材。由起床后，对住无敌维港海景玩自拍，到梳洗、刷牙及换衫等，既性感，又有女性魅力，就连对住镜头甜笑都杀死人。之后她就着返条裙，化完妆再呵气系块镜度用手指写字，举动令人想入非非！网民大呼好索、好正、愈嚟愈迷人、拍得好有感觉…不过，她接受头条日报访问就唔敢认索说：「唔系啦，唔敢当！都系工作，帮酒店影吓宣传片啫！」既然身材仲系咁正，问到会否再拍写真集时，她一口拒绝：「唔会影啦，之前都讲咗系最后一本。」今次她拍片构思来自杨丞琳记录日常生活嘅自拍相，但想拍一条有电影感嘅片，所以带埋摄影师参与，由成个团队齐齐成就咗件事，她对效果都感到相当满意。