【好认真】挑战《你还好吗》泰国篇 胡慧冲一句简单对白重拍80次

新冠肺炎疫情冲击全球，各地游游业都进入寒冬，由张志明监制嘅TVB专辑节目《你还好吗》，走访世界各地报导疫情如何影响当地民生和经济。而今晚及下周一晚嘅「泰国篇」，就搵嚟有「泰国通」称号嘅居泰港人胡慧冲(Roger)拍摄。Roger接受头条日报访问时，形容今次对他来说系好大挑战，因为平日喺《冲游泰国》系列嘅旅游节目都习惯用轻松搞笑手法嚟拍摄，会搞吓烂gag，但今次要收起嬉皮笑脸，一本正经演绎，提供正面资讯，最高峰，试过一个好简单嘅对白拍足超过80次，算系拍TVB节目以嚟最认真嘅一次。

 
 
Roger说：「7月疫情最严重时，我都有不停拍片，拍吓市面情况，放喺YouTube自家频道播出，当接获编审岑应邀请，手头上嘅资料就大派用场，绝对够用。由写稿到拍摄，岑应亦任我发挥，所以不容有失都有压力，就算一句简简单单对白，都要求不停重拍30次到80次不等，幸好出嚟效果好满意。」

 

今次主要探讨喺疫情下曼谷市内情况，包括翟道翟周末市场、当地五星级酒店优惠安排、访问香港人娶咗泰国人妻家庭、居泰港人等状况，拍足5日，相当用心。由拍摄至今经已相距两个月，Roger话𠵱家泰国市面基本都回复正常，马照跑，舞照跳，派对照开，啲人照出街，戏院都开返。而泰国人好自律，个个都带口罩。但经此一役，他体会到原来好多嘢都唔系必然嘅，所以要好好珍惜，正如以前咁，他可以好随意咁买机票返香港，做完嘢，探完家人就折返回，相当方便，𠵱家有8-9个月冇返屋企见家人，之前封关时，就连简单坐底饮杯咖啡都有困难。

 

之前播出TVB资讯节目《这么远，那么近》泰国主题嗰集，方东升本应预咗Roger帮手拍摄，安排他坐吓电单车、搭船等，点知Roger乘坐助手嘅座驾，因为爆咗呔加埋大塞车搞到姗姗来迟，最后只能变咗过镜式演出，他除了可惜及感到不好意思外，再一次领悟到多嘢都唔系必然嘅，所以要好好珍惜每个机会。