星岛日报

【独家】万人迷桥王 Sales佬上身 姜涛爆笑自夸冇桥可搵佢

2020-09-17 23:22
自封「桥王」的姜B个样劲得戚,不过亦都好可爱,引得现场工作人员猛笑。
自封「桥王」的姜B个样劲得戚,不过亦都好可爱,引得现场工作人员猛笑。

姜涛出道以来人气劲旺,每次有新歌推出都成为热话,粉丝对他死心塌地,虽然有人认为他好命,但其实呢个世界又点会有莫名其妙的成功!姜B接受《头条日报》访问,就自爆早在未入行仍是肥仔时,已开始自度舞台上的表演方式,所以由参加《全民造星》到最近亲自执导新歌《孤独病》MV,都一直有桥用。自封「桥王」的姜B,更得戚话大家要idea可以随时搵他,他仲Sales佬上身,「无论你高budget定低budget都可以因应状况调整。」哗!唱得跳得又靓仔,仲要有桥,仲边够你玩先姜B!撰文:杜淑霞 摄影:李维隆 发型:Lydia Yung、Denny [email protected] Private I Salon 化妆:Giann,[email protected] Centre 服装:D-Mop 场地:JAS Party&Studio

自封「桥王」的姜B个样劲得戚,不过亦都好可爱,引得现场工作人员猛笑。
自封「桥王」的姜B个样劲得戚,不过亦都好可爱,引得现场工作人员猛笑。
姜B自言不单已为未来歌曲度好桥,连演唱会的表演方式都谂埋。
姜B自言不单已为未来歌曲度好桥,连演唱会的表演方式都谂埋。




姜涛首次听到林奕匡度身订造的《孤独病》,好似搵到一生中最爱,「真系好似拣女朋友咁一见锺情,呢个冇办法用言语去表达,系佢就佢啦!呢个系同你过世㗎啦!我都系信一见锺情,所以当咗呢首歌系女朋友咁日日听,好爱呀!」他更希望再度跟林奕匡合作,「我应承教佢跳舞嘛!希望佢下只系唱跳歌,我可以帮佢度吓点跳舞,我觉得歌手系要寻求突破嘅。(花姐:你嘅突破系咩,咁劲?)唔系,希望林奕匡前辈都试吓跳唱。」




体形成最大困扰

身为独子的姜B好明白孤单感觉,所以用作新歌主题,原来他入行后孤独感都冇停过,「外界对你猜测、批评,自以为好了解你,甚至有时屋企人都会嚟问你,有冇做过呢件事,譬如有时唔系肥系肿,跟住屋企人嚟问我,到底你系肥定肿,我话『阿妈你养我咁多年都唔知我肥定肿咩?』(体形系最大困扰?)冇错呀!类似呢啲好少事都会(孤单)。」不过姜涛坦承上次现场唱《蒙着嘴说爱你》失准被指咬字不清更严重,「咁我正职系歌手嘛!(肥)呢啲纯粹系一啲表面嘅嘢,歌手就系以唱歌搵食,当你连自己搵食嘅嘢都未做好,系应该几丢架嘅一件事,所以听到呢啲批评冇办法,唯有接受罗!」讲到事件最大得着,姜B竟然仲识得讲笑,「得着系以后唔好拣咁高音嘅歌唱,高音都差唔多啦!《蒙着嘴》嘅高音现阶段已经系极限,如果大家想听高音可以搵阿Jer(队友)。」但姜B有努力改进,现在每日跑步都会唱一次自己4首个人作品,「系咪好自恋呢件事,(唱《蒙着嘴》应唔应付到?)暂时未应付到,仲未可以边跑边唱到呢只歌,但系试紧啦!」

姜涛笑言以往经常唱爱情歌,「但系我又说服唔到人讲爱情呢啲嘢,咁就唱一啲对得住首歌嘅题材啦!」
姜涛笑言以往经常唱爱情歌,「但系我又说服唔到人讲爱情呢啲嘢,咁就唱一啲对得住首歌嘅题材啦!」
MV一 shot落拍摄,姜涛亲自度桥,「呢只歌都系讲一个人,唔需要好多人去执行,不如我自己嚟。」
MV一 shot落拍摄,姜涛亲自度桥,「呢只歌都系讲一个人,唔需要好多人去执行,不如我自己嚟。」






未敢为MIRROR度桥

由于是独子,姜B惯了自己解决问题,令他变得特别多谂头,新歌主题早在一年前想好,「呢首歌唔系录咗好耐,但系个idea谂咗好耐,我成日会谂好多idea,以前未入行仲系肥仔嘅时候,会幻想好多舞台表演嘅方式,到参加《造星》时候攞呢啲嘢出嚟,今次呢首歌就系啱我脑海中嘅画面。(谂咁多桥使唔使写低?)唔使,我会自动save,你𠵱家想要咩idea我都可以话畀你听,以后大家要idea可以搵我,我随时度畀你,我连之后第三、四首歌嘅idea都度好,差在歌未拣咋,我𠵱家就系针对呢啲idea搵一只啱嘅歌。」姜B愈讲愈兴奋,「哗!演唱会idea我都谂好咗。(咁劲?)劲呀!同埋我真系好想畀个好劲嘅Surprise大家。(成队组合表演嘅idea?)成队未轮到我谂,我净系谂自己嗰part,成队公司都可以搵我嘅。(花姐忍唔住插口:多桥唔等如buy你!)唔系,我自己嗰part佢buy咗啫!」劲cute的姜B开始认叻,「桥王𠵱家叫我桥王,(新晋桥王OK!)无论你高budget定低budget因应状况调整。(𠵱家广告杂志?)我今次都系因应MV嘅budget做设计。」

虽然MV由姜涛执导,拍摄时花姐当然有畀意见。
虽然MV由姜涛执导,拍摄时花姐当然有畀意见。
姜涛跟林奕匡学过吹色士风后成老友,更获前辈度身订造新歌。
姜涛跟林奕匡学过吹色士风后成老友,更获前辈度身订造新歌。
「姜糖」在多处大厦外墙及港铁站,注重资为姜涛宣传新歌。
「姜糖」在多处大厦外墙及港铁站,注重资为姜涛宣传新歌。
正在台湾拍摄偶像剧《超感应学院》的姜涛,获「姜糖」一口气安排了三部应援车为偶像及剧组打气。
正在台湾拍摄偶像剧《超感应学院》的姜涛,获「姜糖」一口气安排了三部应援车为偶像及剧组打气。
姜涛入行前是肥仔一名,入行后他仍好介意体形成焦点。
姜涛入行前是肥仔一名,入行后他仍好介意体形成焦点。
姜涛上次推出《蒙着嘴说爱你》,MV有过200万点击率,连Do姐都跟他学跳歌曲舞步。
姜涛上次推出《蒙着嘴说爱你》,MV有过200万点击率,连Do姐都跟他学跳歌曲舞步。
早前姜涛现场唱《蒙着嘴说爱你》被指咬字不清,引发DJ麻利和「姜糖」网上骂战。
早前姜涛现场唱《蒙着嘴说爱你》被指咬字不清,引发DJ麻利和「姜糖」网上骂战。

最新回应

關鍵字

相關新聞

热门文章