拍片抄《破坏之王》 AK Lokman Alton@MIRROR向星爷致敬

2020-09-07 19:16

MIRROR的江𤒹生（Anson Kong）十分勤力更新YouTube Channel，几乎每星期都有新片上架。之前邀请陈卓贤（Ian）测试大家默契，今次就搵埋队友杨乐文（Lokman）同王智德（Alton），三个跳舞担当将会一齐学跳新舞，挑战不同舞种。全片8分钟，当中最搞笑有Part抄足周星驰的《破坏之王》片段，星爷玩「抵抗失恋」，MIRROR三子就玩「抵抗甩Steps」，明显向星爷致敬。

其实Lokman同Alton都对Locking比较了解，所以今次三位镜仔率先挑战。「LOCKING小教室」片段好有趣，首先以小剧场开始，Anson Kong向Lokman及Alton拜师但食柠檬，后来Anson Kong大哭，引来二人问他：「甩step呀？几咁闲啫，系人都试过啦！第一次？咁系伤啲嘅，你而家唔适宜饮水㗎啦，我觉得你要换套老黎啲嘅衫冲喜下，听首啱嘅音乐，食番个靓早餐，咁个人心情都会开朗好多㗎！」对白完全抄足周星驰94年的经典作《破坏之王》中星爷失恋，吴孟达𠱁佢嗰段对白，不过星爷嗰个就系「抵抗失恋套餐」，镜仔就系「抵抗甩Steps冲喜套餐」，Lokman同Alton希望用呢个套餐帮Anson Kong学好跳舞。

之后三人换上Locking常见的colorful服饰表演，跳得好睇又抢眼，再坐定定向观众解说舞种的历史和由来，如Locking是因为舞者Don Campbell的舞步特别，才吸引其他人学习模仿。一条片有齐搞笑及学习元素，相当有心。

Anson Kong表示三人会拍住上继续拍片，之前为了做歌手而在歌艺下苦功，现在希望重拾擅长的跳舞，学习其他舞蹈，同时也希望与他们的跳舞老师聚旧。