【有仙气】转公司出新歌露「线头」谢文欣着背心裙浸日光浴

2020-09-01 11:30

今年刚转投新公司嘅谢文欣(Ally)频频曝光，年头就凭一首《偶像传奇》已经先拔头筹得到「优秀选金曲奖」，仲时不时拍片强攻YouTube，因而同Mirror成员Anson Kong传出绯闻，相隔无耐再邀请伍乐城班底度身打造新歌《不痛不快》，唱尽少女心事。

新歌MV邀得Viu剧《教束》靓仔会长唐浩然（Jacky)担任男主角，Ally同导演更大赞佢嘅气质同形象好适合MV氛围，而且非常专业，Jacky为求有更好嘅视觉效果，自己设计一连串动作同走位，令到件事更有感觉亦流畅，拍摄非常顺利。

Ally表示当中有一幕最难忘场景，系喺郊外拍浸浴shot，佢仲献出第一次系咁多人面前浸浴，笑言「好彩有着衫」。虽然天公造美，但由于烈日当空下拍摄，Ally不敌猛烈太阳，搽咗防晒都令皮肤明显变深，手臂位仲晒伤红晒，几日之后就开始甩皮，为咗最靓嘅效果，已经付出唔少代价。