【独家】难得遇到超夹闺密 汤怡搵男版苏丽珊做对象
2020-09-08 21:39 
汤怡继07年《写意人生》后，相隔13年最近再拍TVB剧《反黑路人甲》，演教师「苏芷珊」，单是眼镜学生妹Look已引起话题。剧中要跟6个女仔争王浩信，她坦言以往遇这情况早已放弃，现在会积极争取幸福，朋友安排相睇会出席。她直言拣对象最好似闺密苏丽珊一样要超夹，更笑言如果苏丽珊是男仔一定会主动追求，未来会努力搵个男版苏丽珊拍拖。撰文：杜淑霞 摄影：谭壹致 发型：Davy YU@AdmiXHairStyling服装：iBLUES 场地：The Code
汤怡坦言同角色最似就是慢热性格，所以为该剧开工初期她惨变独家村，好彩有张振朗解围，「见其他演员有讲有笑，我唔够胆主动，张振朗见到我收埋一边就主动同我倾偈，我哋熟咗后，佢令到我慢慢同其他人都熟埋。」
剧中汤怡要跟6个女仔争王浩信，她疑似剧透话怕事性格未必输蚀，「牌面上系输，但系呢啲嘢讲相处嘅。」现实中她强调会较主动，「人大咗明白有啲嘢系要自己争取嘅，尤其系幸福呢家嘢。」至于18年跟拍拖11年的洪卓立分手后，她一直有努力搵对象，「朋友介绍咗好多，佢哋同我阿妈好friend，我阿妈担心我嫁唔出呀！」她坦言以往听见相睇会落闸拒出席，但现在已改观，「你知道系相睇啫！但你唔讲都系当识个朋友，我个心态系变咗，我生活圈子都窄，系时候扩濶个圈子。」
汤怡觉得现在拣对象最紧要相处，就好似跟闺密苏丽珊一齐，连去旅行都好夹，「之前一齐去日本旅行，系我同男朋友分手后，第一次同朋友去旅行，感觉好正，我哋都唔系太锺意shopping，去吓美术馆，去郊区行吓，食吓嘢，好Relax。」她更笑言：「如果佢系男人我会追佢，因为大家相处好舒服，讲真日后都系大家一齐生活啫！都系搵个人舒舒服服开开心心，有共同兴趣，互相陪伴。（即系搵个男版苏丽珊？）哈哈！如果男装版嘅苏丽珊可以take care我多啲就好啦！始终佢系细过我，由细到大我都系照顾人多啲。」
最新回应