【又耍花枪】马国明Po自拍问：有冇挂住我　汤洛雯学男友Hea覆「心心眼」

马国明（马明）和汤洛雯（靓汤）自今年6月公开恋情后，经常于社交网晒「定情公仔」、「爱的手机壳」和「情侣Tee」放闪，而每次双方出Po，两人都必定点赞、留言隔空传情，虽然一众粉丝都大嗌又Sweet又羡慕，但近日有网民就发现马明次次喺女友Po下留言，都「不多也不少」例牌贴出3个心心眼emoji，结果日前网民终于忍唔住出声问：「你可唔可以换个表情？」、「专一人士连放个表情都要够专一」，对此靓汤都没好气回覆3个打喊露emoji俾男友，睇嚟佢都嫌马明交「行货」好鬼闷！

今晨轮到马明于IG出Po，他贴出型仔自拍照并留言：「有冇挂住我……」唔知系咪同女友讲㗎呢？不少网民都笑言：「你问紧边个？」、「靓汤挂住你咪得，使乜我哋」，高海宁亦搭嗲：「挂住靓汤多啲。」至于靓汤今次就以其人之道还治其人之身，学马明斋留3个心心眼emoji，一班粉丝睇见纷纷笑说：「又系呢个emoji嘅」、「学会了」、「Mrs Ma做得好」、「耍花枪」、「爱的密码」，连蔡思贝也表示；「你哋两个令到我一早起身笑咗。」