一家四口又去沙滩玩 Jessica C美国避疫好快活

因为去年的社会运动及新冠肺炎，名模Jessica C.同老公安志杰举家搬回美国生活，两公婆都对阳光与海滩情有独锺，时不时都带同3岁半囡囡Tessa和2岁囝囝Elvis去晒太阳共享家庭乐，顺道大哂33C超Fit Model身材。

今日Jessica C.又上载沙滩家庭乐合照，从照片可见当地天朗气清，唔去玩认真嘥晒。Jessica C.与老公安志杰都拥有完美模特儿外形，有机会当然要Show吓。虽然生咗两个小朋友又唔使出Show，但名模Jessica C.都冇偷懒，努力Keep好身材，着起三点式相当养眼，而老公安志杰则穿起白色长Tee，虽然冇肌肉能见度系零，但仍然睇得出身形好壮。囡囡Tessa和Elvis尽得父母美貌真传，十分可爱。绝对系颜值爆灯的一家人，加上优美如画的阳光与海滩，香港人睇到张相应该相当葡萄。