模拟经典珠宝广告片阿Sa反眼扮八婆劲盏鬼

2020-06-17 11:00

容祖儿(Joey)、锺欣潼(阿娇)、蔡卓妍(阿Sa)、关智斌（Kenny）、张敬轩及霍汶希(Mani)一走埋就玩得好癫，昨晚Mani喺IG上载一条搞笑短片，片中模拟当年由黄佩霞演出嘅经典英皇珠宝广告片。

今次由阿Sa做女主角，戴住圆形大眼镜嘅阿Sa撞开晒紧名表及珠宝嘅Joey，一脸妒忌在想：「咁多首饰，都唔知系咪畀人包嘅！」点知识读心术嘅Joey，由轩仔配音回应：「我啲首饰系我自己赚返嚟㗎！」阿Sa边印粉边死撑说：「唓，又唔系话你，话佢啫嘛！」接著阿娇入镜行埋阿Sa身边，由Kenny提高声调配音说：「太太...我啲首饰系我老板送㗎！」阿Sa冇晒瘾兼反晒白眼再发出唓一声，片尾系slow motion，由Joey跷住阿娇手，拨弄头发，飘逸地由房间走出嚟作结。

由于阿Sa演「八婆」，藐人兼反白眼嘴脸演得好入戏，唔少网民赞好，仲话不断翻睇咗10次。最搞笑系众人不停发出登登声做背景音乐，当轮到Kenny为阿娇配对白时，因为提高声调变咗走音，连他都忍唔住偷笑，引到「配音组」全部笑晒，不过就真系几有趣，好欢乐。唔少网民话好好笑，成班都癫㗎！要求要有续集，仲强烈要求龙虎豹龟猴五个合拍一套喜剧电影，一定超好笑！有人问点解最尾唔系张敬轩同关智斌拖手Ending？亦有人认得，场地系张敬轩屋企，指他们反转大叔间屋。对于被赞入戏，阿Sa即强调说：「其实我系扮紧Mani！」