【获王梓轩力撑】拍性感MV上咗瘾 王君馨要自荐做导演
2020-08-20 17:54 
王君馨(Grace)自资6位数，亲自作曲、填词，歌曲，讲述结婚新歌《Casada》，君馨喺MV入面着泳装演出，大派福利，MV推出至今点击已逾30万。作为老友嘅王梓轩越洋支持，与她联手开IG直播，君馨话：「因为黄昏好短暂，一路roll机、一路跳紧舞、咪紧嘴，摄影师亦会畀好多direction，比如『呢度要more shoulder』、『头发再flip一次』、『眼神再电我多啲』，侧边啲人睇你拍MV以为你痴咗线，真系人都癫呀！如果时间许可，我可以再tune多少少眼神同咪嘴，咪嘴时嘴部动作要夸张啲。」拍完呢个MV，王君馨发觉自己对拍摄MV真系有好大拍摄兴趣！嚟紧有可能试吓做MV导演，梓轩一于支持到底。
五年前，两人曾合作歌曲《隐型》，梓轩首次为君馨produce，梓轩质疑话：「当年我哋搵你把声嘅时候，你惯咗好girly，把声好高好尖，但唱呢首歌时，你咬字清楚又有型。」君馨解画说：「因为今次唱出嚟想要有一把舒服嘅声线、好似平时同老公倾偈咁，或者同老公撒娇嘅时候，相对拍戏容易搵声，因为唔同嘅角色会用唔同嘅声线，但唱歌要慢慢去浸、去搵一个属于自己嘅声音。」
關鍵字
最新回应