【头条独家】《法证》获赞努力冇白费汤洛雯感动到喊

2020-03-10 21:20

汤洛雯去年临时顶替黄心颖演出《法证先锋IV》的记者「徐意」，更要极速用一个月补拍全部戏份，她坦承当时压力真系超级大，冇得瞓又食唔到嘢，一样减唔到磅肥住拍。现在剧集首周7天跨平台总收视35.7点，有好成绩靓汤当然兴奋，睇到网友评价，更令她觉得努力没白费，访问时愈讲愈感动搞到想喊，佢话经历过这次觉得自己升咗呢，以后演出上有更大挑战都唔会惊。撰文：杜淑霞摄影：梁志明发型：Zap [email protected]

靓汤自爆原来最初唔敢睇该剧，因好惊自己演得唔好，反而是网友在她社交平台留言，才令她放心去睇，「第一集我系唔敢睇，惊自己做唔好，后尾啲网友留言话OK，我先够胆去睇。」她又感激网友给予好多正面评价，「好多话我演得好自然，话我进步咗好多，叫我加油努力，系啲好简单正面嘅鼓励，但呢啲每个鼓励我都有睇，每个鼓励都入咗心，因为拍嗰阵（忍唔住哽咽）有啲辛苦嘅，网民真系感受到你有努力过，努力冇白费，系好窝心！」

感激黄浩然相助
回想拍摄过程，靓汤亦认为是自己入行以来最大考验，「今次要突然之间入剧组，要同佢哋好熟络，但佢哋已经演过一次，其实嗰阵系硬住头皮，因为我系第一次同（黄）浩然同阿Shaun（谭俊彦）合作，好惊搞到佢哋NG，所以压力好大。另外，监制落咗命令要减肥，拍紧时休息时间已经冇乜，再加埋又要减肥，再加埋个剧本系要一字不漏背啦！好似日日大考咁，嗰时压力系入行以嚟最大。」不过，成功跨过这难关，令靓汤信心大增，「拍完之后自己好似速成班，觉得自己好似跳咗级，我可以接受啲更高嘅挑战。」靓汤又话要特别多谢黄浩然这个好拍档，「我哋台湾出外景前，其实佢已经去过一次，之前佢同小青姐（监制）话同阿汤围读多次，等去到台湾得心应手啲，佢要专登返嚟帮我围读，大家都真系好锡我。」