【条腿好长】贺NBA开锣 吴彦祖将7岁囡囡当篮球抛落水

呢期45岁嘅吴彦祖曝光率好高，前排就讲佢发线上移，近排又话佢成面油成个油浸大叔咁，啲评语超Mean，不过阿男神懒得理你，继续好Hea咁同音乐人老友Jerald（陈哲庐）喺网台节目《本周Jer住你》吹水，仲大爆郭伟亮同冯德伦曾经喺谢霆锋屋企为咗玩啤牌而闹大交，最离奇阿前谢太半点反应都冇，仲挂住喺个厅打木人桩，有画面得嚟好好笑。

吴彦祖系NBA球队勇士嘅死忠Fans，因为听日NBA新赛季开锣，所以佢有啲激动，仲话要向Stephen Curry致敬，更希望Draymond Green可以畀啲颜色湖人睇吓。重点系因为佢太兴奋，所以罕有地Post同7岁囡囡吴斐然（Raven）玩水嘅片，佢仲当个女系篮球咁抛落水中嘅圈，难得阿囡好配合，从而发现Raven手长脚又长，似足名模阿妈Lisa S.一样。