【病情转差】又晕又呕痛到冇胃口林子博指太太仅接受舒缓治疗

2020-08-04 19:00

林子博太太董燕君（Shirley）去年确诊患上极罕有癌症「平滑肌肉瘤（腹腔）」，经半年治疗，肿瘤缩少咗，病情向好，全家都陪伴Shirley积极面对抗癌之路。但近日Shirley病情突然告急，肿瘤剧痛，又晕又呕且去不到厕所，甚至连下床也有困难，因而必须送院，现正在玛丽医院肿瘤科病房治理。

今日子博带同仔女到荃湾出席朋友食店开张，他坦言太太只能接受舒缓治疗，边度唔妥医边度，喺西医角度，佢个病冇做任何治疗可以做到：「之前都试过食咗两星期标靶药，但副作用太大，而且对平滑肌肉瘤成效唔太大而放弃。」目前太太又晕又呕，肿瘤痛到冇晒胃口，子博担心道：「暂时冇人话到畀我听点解太太晕得咁犀利，不过我哋有少少怀疑系食啲吗啡水副作用，因为每人对药物有唔同嘅反应，晕同呕应该同肿瘤冇关。目前医生转咗另一只冇吗啡成份嘅止痛睇吓情况有冇好转。」

由于疫情下未能探望太太，又没有机会同医生联络，坦言梗系担心：「尤其小朋友会问妈咪几时返得屋企？惟有慢慢跟子女解释，话待妈咪好转，喺安全情况下就会回家。」