【头条独家】唱出双重打击心路历程 林子博出新歌同香港人打气

林子博近日推出新歌《男人心声》，歌曲讲述去年发生在他身上的事，包括面对爱妻患重病，以及被无綫裁员的心路历程，好到肉：「疫情下好多人同样经历紧失业同减薪，甚至面对健康问题，我系一个人办可以勉励大家，既然我都过得到，大家都可以捱得过的。」采访：方骞平 场地：919 Studio

因为唱出心声，录音时林子博唱到声嘶力竭，监制兼作曲人陈子敏都好满意，大赞子搏好投入，但要提示佢要留力。子敏仲话子博把声够厚实，有潜质做歌星。林子博透露老婆董燕君(Shirley)同埋10岁囝囝卓楠系佢Fans：「阿囝成日喺屋企唱，但佢感受唔到歌词意思。Shirley话首歌好好听，但就话我用8、90年代嘅老腔嚟唱，咁我系听『歌神』学友嘅歌大，亦好锺意佢啲歌，自然会无意中模仿学友tone，自己唔系全职歌手，刚起步阶段，未甩到学友影子。」

老婆病况稳定
问到子博未来会否再出歌，他说要睇市场反应，「唔可以自我感觉良好，其实做呢首歌嘅初心，系想记录去年发生嘅事，不论件事好定唔好都要记低佢，咁下次先知点做。今次唱片公司都有派歌畀TVB，但我唔再系TVB人，唔知佢哋用唔用，冇所谓嘅，有好多平台宣传，随缘啦。」提到太太病况，他表示完成化疗后最近两次报告，每次肿瘤都缩细咗1cm，西医冇乜治疗好做，主要观察住进度，他有感而发：「名利对我唔再重要，一家健健康康，日日揽住大家经已好开心。香港人经历紧疫症，唔只穷人染病，连富豪、政要都会中招，咁有名有利又点呀？去到疫情都冇分喇，所以大家应该会感受到我嘅心情。」