设身处地待奉「皇上」　林晓峰为爱犬试戴宠物用头罩

有留意开阿Lo（林晓峰）嘅社交平台，都会知道佢几爱锡林滔，即系佢尊称为「皇上」嘅爱犬，自从「皇上」9个月前出现，阿Lo嘅生活同埋社交平台都起咗好大变化，「皇上」嘅出镜率比佢自己更高，就连佢两个囝囝同埋老婆康子妮都要靠边站。阿Lo同「皇上」形影不离嘅程度，系无论食、瞓、玩同做运动都会黐埋一齐，今次佢为咗令「皇上」有更好嘅生活质素，竟然连宠物用嘅头罩都预先帮「皇上」试戴埋，仲写住话：「设身处地，我正在学习，皇上吉祥」佢贴出呢张「奴才」试戴相，真系会令人忍唔住狂笑！呢个时候系要𠱁吓大家开心嘅，香港人加油！