【独家】郑融留家抗疫变「煮」妇　梁诺妍鄙视洪永城唔捱得

梁诺妍（Inez）和郑融为香港开电视节目《神奇旅侠》上山下海，后者玩到隔日要签生死状，更冲破心理关口与鲨鱼潜水；不谙水性的Inez就挑战飞索、跳崖吓到喊，以为男友洪永城（Tony）一定好担心，估唔到Inez即否认：「完全冇，佢叫我玩得开心啲。」讲到疫情下无法出国，郑融自言多了买餸煮饭，又叹做家庭主妇唔容易，而刚展开同居生活的Inez笑言好彩Tony冇鼻鼾：「佢瞓得好安祥，唔郁又冇声。」撰文：黎宝伦　摄影：李维隆　场地：香港湾仔帝盛酒店　发型：Jamie Lee@HAIR（梁诺妍）　服装：b+ab（梁诺妍）

梁诺妍和郑融早前为节目《神奇旅侠》分别在港及马来西亚大玩极限活动，突破自我，壮大了胆的郑融盼有机会到外地参加三项铁人赛。Inez就自称经常玩命，两年前曾赴阿拉斯加参加500公里「冰极长征」慈善跑，不过因气温降至零下50度而叫停，问到还想完成该项比赛？Inez表示好难一个人做，提到可叫洪永城陪，她指男友脂肪多应该冇咁怕冻，意指都可以。再问跟男友边个捱得啲？Inez即抢答，「梗系我啦，我跑咗咁多个全马，佢都未跑到一个，鄙视佢！我哋之前都有约去北韩跑半马，但因疫情而延后，希望岀年去到，我一定会『的』佢去！」

Inez预备做阿妈
提到现时要留家抗疫，变「煮」妇的郑融即忍唔住分享下厨心得，笑问另一半岂不是好有口福？是否Ready做人妻？她大笑说：「OK啦，我都系谂住煮畀自己食㗎咋，大家口味好唔同。」对于不少情侣日对夜对搞出「人命」，早前被批今年奉子成婚的Inez笑答：「未有喎，因为大家都好忙，两个人喺屋企时间唔多。（Tony话Ready做老窦！）我Ready，但都要有个步骤，虽然话唔介意啫。（会阻止未婚怀孕？）顺其自然，大家都做足安全措施，但有都系一个缘份，我都会要嘅，而家努力工作先，有小朋友都要工作㗎嘛。」