【头条独家】带女友同行拍节目 陈俞希率师妹狂爆金刚秘闻
2020-03-09 00:31 
ViuTV新节目《金刚旅神团》，由金刚拍住四位「旅」神，陈俞希（Hailey）、沈殷怡（Shirley）、余逸思（Yoshi）和练美娟（娟姐），去东京介绍食买玩CP值高好去处。不过，受疫情影响金刚未能返港配合宣传，四女趁他不在，即大爆金刚秘闻，仲狂爆他对同行女友梁云菲（Nana）鲜为人知的一面。撰文：杜淑霞 摄影：谭壹致 发型：Terrence_chann(Hailey) 化妆：yukimakeup(Hailey) 服装：American Eagle(Hailey)、b+ab(Yoshi)
四位「旅」神甫接受访问已不停互窒，噪到爆，一时话师姐Hailey是中女挂住美白同养生；又话Yoshi精神有问题要食药；又话Shirley成日提住父母应该冇乜朋友。最尾她们仲爆闺房秘闻，指Yoshi搞到酒店房有条垃圾河，跟她同房的娟姐就话：「牀与牀之间有个空位，我问佢将啲垃圾摆喺边，佢话中间啦！于是就变成咁！」
互爆完未够喉，趁住金刚不在场，当然要转移目标，Hailey率先爆金刚是个超级购物狂，夸张到带多两个箧出发，仲会每日拖住细箧去拍嘢，「日本有啲24小时店，佢晚晚都去买。（娟姐：唔知系咪每日用完啲咩要再买番呢？）我哋反而要问番佢边间最好行，未合作前估唔到佢咁锺意买嘢，佢话佢去日本先会咁喎！」
她们又指金刚私底下超级爱锡女友，除了周围帮她搜购Hello Kitty精品外，仲好惊着住三点式浸温泉的女友畀人睇蚀。Shirley说：「佢监场监得好实，一停机就叫女友着番啲衫。」Hailey再补充，「其实镜头唔使金刚喺度，只系影佢女友一个喺度浸温泉，但佢就全程喺度望到实一实。」所以Hailey估计，金刚唔返港宣传，因返台湾要隔离14日，「佢应该系唔想同女友分开，估唔到佢咁黐身㗎！」
最新回应