【独家】《杀手》演黎耀祥徒弟 林景程赞戏里戏外都是好师傅
2020-07-30 23:00 
林景程最近在剧集《杀手》饰演黎耀祥和龚嘉欣杀手徒弟「小秉」，以往角色多为斯文或专业人士，他开心有这个新尝试，但最初都担心动作戏应付不来；而他跟祥哥有不少对手戏，更获对方提点，戏里戏外都是个好师傅。本身是注册物理治疗师的景程，平日不用拍剧会做兼职，但近期疫情严重基本上停顿，不过原来他曾在《BB来了》以专业身份协助拍摄。采访：杜淑霞 场地：THE WAVE
未开拍《杀手》前，景程已收到风该剧打得好劲，所以得知自己有份时既开心又担心，「我本身唔系好做运动，所以拍打戏都担心自己应唔应付到，不过又开心可以唔使再做啲斯文或者专业人士，好彩开拍前我哋有做练习，而且我系演徒弟，唔使好识打，所以正式拍摄时总算应付到。」
对于首次跟三届视帝祥哥合作，景程大赞获益良多，觉得戏里戏外都遇到个好师傅，「佢真系好照顾我哋啲后辈，最记得有场戏讲我要同佢讲段感性嘅说话，镜头要zoom埋嚟我度，我要讲晒啲台词，我为咗就时间成日会愈讲愈急，祥哥就教我唔好理镜头住，最紧要睇番自己情绪，情绪到先至讲，唔系佢教我真系唔敢咁做㗎！怕影响拍摄进度嘛！」
景程本身是注册物理治疗师，不用开工的日子都会做兼职，近期疫情严峻都有好大影响，「我好多时都会去啲护老院，又会上门帮人做物理治疗，𠵱家都停晒，其实之前做都担心，会好小心做足防护。」不过，他亦估不到继15年《超能老豆》饰演个物理治疗师后，17年更以专业身份协助拍摄《BB来了》，「拍《BB来了》我系教佢哋做物理治疗嘅专业姿势，我都冇谂过会冇角色都可以参与剧集，感觉真系几得意㗎！」
最新回应