讲就无敌做就无力 陈豪自爆夜蒲沟唔到女
2020-07-28 10:30 
邵氏兄弟访谈节目《Tiger's Talk》添食由林盛斌（Bob）和伍咏薇主持，访问了剧集《杀手》主角黎耀祥和陈豪，陈豪自爆拍电影《晚九朝五》年代，几乎每晚夜蒲，后来突然醒觉好浪费时间，于是180度变，自此冇再踏足夜场，努力拼搏。伍咏薇追问大把女埋身？陈豪笑言永远讲就无敌，做就无力，自己沟唔到女，睇人沟女。而祥仔笑言不爱夜蒲，人生只去过一次Disco就以后不再去。问到贵为视帝常「万岁」请客会否肉赤？祥仔说收工煞科顶多几万蚊，冇所谓，大家开心。伍咏薇称拍档演员中以罗嘉良最阔绰，祥仔说有位女演员久唔久先返嚟拍剧，一日外景放午饭搵附近名牌酒楼补几千蚊出嚟食冇乍型，就系袁咏仪！又指张衞健最兴放低几千蚊直接扣数好有型!
關鍵字
最新回应