名模Amanda S.限定甜品店开幕 乐基儿孭仔撑场

名模Amanda S.呢期好活跃，为香港开电视嘅全新旅游节目《神奇旅侠》做主持，带观众深度游伦敦。筹备数月，将开设半年嘅期间限定甜品店Flakes ＆ Layers又啱啱开张。前日，名模老板亲自招呼宾客，同期名模，做咗阿妈嘅乐基儿(Gaile)更孭住一岁三个月嘅囝囝Hunter撑场，佢狂赞招牌千层Ooonuts好正，唔太甜又唔漏，更力推云尼拿味。

戴住口罩嘅Hunter好得意，不断四围望，亦眼仔碌碌望住Auntie Amanda整甜品。